Yuxarı
    Bağlamaq

    Ağdamda ağır yol qəzası baş verib, 4 nəfər xəsarət alıb - FOTO

    Onlardan ikisinin vəziyyəti ağırdır

    Bakı. 7 oktyabr. REPORT.AZ/ Ağdam rayonunda ağır yol-nəqliyyat hadisəsi baş verib. 

    "Report"un məlumatına görə, hadisə rayonun Əfətli kəndinin ərazisində qeydə alınıb. 

    Belə ki, “VAZ-2106” markalı avtomobillə “Qazel” markalı yük maşını toqquşub. Hadisə yerinə Fövqəladə Hallar Nazirliyinin (FHN) Xüsusi Riskli Xilasetmə Xidmətinin əməkdaşları gəlib. Deformasiyaya uğramış yük maşınında qalan sürücü xilas edilərək xəstəxanaya çatdırılıb. Minik avtomobilinin sürücüsü və iki sərnişini də müxtəlif bədən xəsarətləri ilə xəstəxanaya yerləşdirilib. 

    Kürdəmir rayon sakini, 57 yaşlı Elxan Məmmədovun və Ağdam rayon sakini Nemət Əliyevin vəziyyəti orta-ağır olaraq qiymətləndirilir. Digər iki xəsarət alan şəxs isə vəziyyətləri qənaətbəxş olduğundan ambulator müalicə üçün evə buraxılıblar.

    Faktla bağlı cinayət işi açılıb, araşdırma aparılır. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi