Ağcabədidə avtomobil qəzası oldu, ölən var

 Ağcabədi rayonunda ölümlə nəticələnən yol qəzası baş verib.

Bu barədə "Report"a Daxili İşlər Nazirliyinin (DİN) Mətbuat Xidmətindən məlumat verilib.

Belə ki, iyunun 26-sı saat 20 radələrində Ağcabədi rayonunun Hüsülü kəndi ərazisində kənd sakini Nurlan Əliyev idarə etdiyi “VAZ-2106” markalı avtomobili ağaca vurub. Sürücü hadisə yerində ölüb.

Ağcabədi Rayon Polis Şöbəsi tərəfindən araşdırma aparılır.