Ağcabədidə iki avtomobil toqquşub, 3 nəfər yaralanıb - FOTO - VİDEO - YENİLƏNİB

Video əlavə olunub

*** 15:20

Ağcabədi rayonunda iki minik avtomobili toqquşub.

"Report"un Qarabağ Mərkəzinin verdiyi məlumata görə, hadisə rayonun Təzəkənd kəndi ərazisində qeydə alınıb.

Belə ki, "VAZ-2106" markalı avtomobillə "VAZ-2107" markalı avtomobil toqquşub. Nəticədə hər iki avtomobilin sürücüləri - Elnur İmanov və Vüsal Əhmədov, sərnişin Orxan Əhmədov ağır bədən xəsarəti alıb. 

Hər üç yaralı Ağcabədi Rayon Mərkəzi Xəstəxanasının Travmatologiya və Reanimasiya söbəsinə yerləşdiriliblər.

Həkimlər yaralıların vəziyyətini orta-ağır qiymətləndirir.

Faktla bağlı rayon Polis şöbəsində araşdırma aparılır.