Ağcabədi sakini Türkiyə vətəndaşını rayona apararaq pullarını əlindən alıb

Bakı. 20 sentyabr. REPORT.AZ/ Ağcabədi sakini Türkiyə vətəndaşını rayona apararaq döyüb və pullarını əlindən alıb.

“Report”un xəbərinə görə, bu barədə Ağcabədi Rayon Polis Şöbəsinə müraciət edən Türkiyə vətəndaşı Yaqub Özdilək özü məlumat verib.

O şikayətində bildirib ki, Bakı aeroportunda Ağcabədi sakini olan Elməddin adlı şəxslə tanış olub. Sonra həmin şəxs onu Ağcabədiyə qonaq aparıb. Burada isə Türkiyə vətəndaşını döyərək 8 min Türk lirəsi, 2500 ABŞ dolları və 3000 min manatını alıb.

Faktla bağlı Ağcabədi Rayon Polis Şöbəsində araşdırma aparılır.