Abşeronda xəsarətlə nəticələnən yol-nəqliyyat hadisəsi olub

Abşeron rayonunda xəsarətlə nəticələnən yol-nəqliyyat hadisəsi baş verib.

"Report"un məlumatına görə, hadisə Xırdalan şəhərində qeydə alınıb. 1987-ci il təvəllüdlü Kərimov Elman Fəxrəddin oğlunun idarə etdiyi motosiklet avtomobillə toqquşub.

Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona sağ bazu sümüyünün sınığı diaqnozu qoyulub.

Hadisənin təfərrüatı araşdırılır.