Abşeronda oteldə 21 yaşlı qız qətlə yetirilib - YENİLƏNİB

Abşeronda oteldə 21 yaşlı qız qətlə yetirilib - YENİLƏNİB Faktla bağlı rayon prokurorluğunda cinayət işi başlanılıb
Hadisə
3452
24 Sentyabr , 2018 12:15
Abşeronda oteldə 21 yaşlı qız qətlə yetirilib - YENİLƏNİB
0 : 00
0 : 00

Bakı. 24 sentyabr. REPORT.AZ/ Daxili İşlər Nazirliyi (DİN) Abşeron rayonunda “Oskar” otelində baş vermiş qətllə bağlı məlumat yayıb.

DİN-in mətbuat xidmətindən “Report”a bildirilib ki, sentyabrın 23-də Abşeron rayonunun Fatmayı kəndi ərazisindəki oteldə Ucar rayon sakini Aysel Orucovanın bıçaqla qətlə yetirilmiş meyitinin tapılması barədə daxil olmuş məlumatla əlaqədar dərhal rayonun polis və prokurorluq orqanlarının əməkdaşları tərəfindən müvafiq tədbirlər görülüb.

“İsti izlər”lə həyata keçirilmiş təxirəsalınmaz istintaq və əməliyyat-axtarış tədbirləri nəticəsində qətli münaqişə zəminində törətməkdə şübhəli bilinən Kürdəmir rayon sakini, əvvəllər də qəsdən adam öldürməyə cəhdə görə məhkum olunmuş Nəriman Əliyev qısa zamanda müəyyən edilərək saxlanılıb.

Faktla bağlı Cinayət Məcəlləsinin müvafiq maddəsi ilə cinayət işi başlanılıb.


*** 11:49

Bakı. 24 sentyabr. REPORT.AZ/ Abşeron rayonunda oteldə qətl baş verib.

“Report”un xəbərinə görə, “Oskar” otelində 35 yaşlı Nəriman Əliyev 21 yaşlı Aysel Orucovanı bıçaqlayaraq qətlə yetirib.

Faktla bağlı Abşeron Rayon Prokurorluğunda cinayət işi başlanılıb.

Son xəbərlər

Orphus sistemi