Abşeronda naməlum avtomobil piyadanı vuraraq öldürüb

Abşeron rayonunda ölümlə nəticələnən yol qəzası baş verib.

Bu barədə "Report"a Daxili İşlər Nazirliyinin (DİN) Mətbuat Xidmətindən məlumat verilib.

Belə ki, dekabrın 9-u saat 6 radələrində rayonun Saray qəsəbəsi ərazisində müəyyən edilməyən avtomobillə yolu keçən Bakı şəhər sakini Almaz Abbasova vurulub və piyada aldığı xəsarətlərdən hadisə yerində ölüb.

Baş İstintaq və Təhqiqat İdarəsi tərəfindən araşdırma aparılır.