Yuxarı

Abşeronda məktəbli açılan atəş nəticəsində gözündən yaralanıb - FOTO - ƏLAVƏ OLUNUB

Abşeronda məktəbli açılan atəş nəticəsində gözündən yaralanıb - FOTO - ƏLAVƏ OLUNUB
Hadisə uşaq dərsdən evə qayıdarkən baş verib
© Report

Abşeron. 21 yanvar. REPORT.AZ/ Abşeron rayonunun Saray qəsəbəsində məktəb şagirdi silahlı insident nəticəsində gözündən yaralanıb.

"Report"un yerli bürosu xəbər verir ki, hadisə 2001-ci il təvəllüdlü Saray qəsəbə sakini, 10-cu sinifdə təhsil alan Xəlil İlqar oğlu Allahquliyev qardaşı Cəlil ilə birgə dərsdən evə qayıdarkən baş verib.

Naməlum istiqamətdən ov tüfəngindən açılan atəş nəticəsində ətrafa səpilən qırmalardan bir neçəsi Allahquliyev Xəlilin sol göz nahiyəsinə dəyib. Atəşin kim tərəfindən açıldığı hələlik məlum deyil.

Məktəbli ailə üzvləri tərəfindən Sumqayıt şəhərində yerləşən U.Musabəyli adına Rayonlararası Oftalmoloji Xəstəxanasına çatdırılıb.

Tibb müəssisəsindən verilən məlumata görə, X.Allahquliyev gətirilərkən vəziyyəti ağır olub. Ona dərhal tibbi müdaxilə edilib. Kəsilmiş-cırılmış göz nahiyəsi cərrahi əməliyyat olunub. Bu barədə hüquq-mühafizə orqanlarına məlumat verilib.

Faktla bağlı araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi