Bakı. 13 sentyabr. REPORT.AZ/ Bakıda avtomobildən 10 000 ABŞ dolları oğurlayan şəxslər saxlanılıblar.
"Report" Daxili İşlər Nazirliyinə istinadən xəbər verir ki, hadisə Abşeron rayonu ərazisində qeydə alınıb.
Belə ki, Abşeron rayon Polis idarəsinin əməkdaşları tərəfindən avqustun 17-də rayon ərazisindəki avtomobillərin birindən 10 000 ABŞ dolları oğurlamaqda şübhəli bilinən Masazır qəsəbə sakini Kamal Quliyev və Sabirabad rayon sakini Cavidan Mahmudlu saxlanılıblar.