Abşeron kanalına çirkab sular axıdan sürücü cərimələndi

Abşeron kanalına çirkab sular axıdan sürücü cərimələndi Bir neçə gün əvvəl sosial şəbəkələrdə Abşeron suvarma kanalına naməlum avtomobillə çirkab sularının axıdılması barədə məlumat yayılıb.
Hadisə
1266
22 İyul , 2020 20:25
Abşeron kanalına çirkab sular axıdan sürücü cərimələndi
Report

Bir neçə gün əvvəl sosial şəbəkələrdə Abşeron suvarma kanalına naməlum avtomobillə çirkab sularının axıdılması barədə məlumat yayılıb.

Daxili İşlər Nazirliyindən "Report"a verilən məlumata görə, məlumat dərhal Nazirliyin nəzarətinə götürülüb.

Sabunçu Rayon Polis İdarəsinin Dövlət Yol Polis Şöbəsində aparılan araşdırmalar zamanı məlum olub ki, qeyd edilən çirkab sular kanala “ZİL MMZ” markalı 99 SR 115 dövlət qeydiyyat nişanlı, Sabunçu rayon sakini Hümbət Hümbətovun idarə etdiyi avtomobildən axıdılıb. Sürücü dərhal müəyyən edilərək Sabunçu Rayon Dövlət Yol Polisi Şöbəsində gətirilib.

O, izahatında qeyd edilən hadisəni törətdiyini və əməlindən səmimi peşman olduğunu bildirib. Hümbət Hümbətov barəsində Polis Şöbəsində İnzibati Xətalar Məcəlləsinin müvafiq maddəsi ilə protokol tərtib olunub və o, ciddi xəbərdarlıq edilərək cərimə edilib. 





 

Son xəbərlər

Orphus sistemi