Abşeron rayonunda məscidin yanında əl qumbarası tapılıb

Bakı. 2 yanvar. REPORT.AZ/ Abşeron rayonunun Ceyranbatan qəsəbəsində məscidin yanında əl qumbarası tapılıb. Bu barədə "Report"a Fövqəladə Hallar Nazirliyindən (FHN) məlumat verilib.

Hüquq-mühafizə oqranlarının əməkdaşları və FHN-nin xilasediciləri məscidin ətrafında təhlükəsizlik tədbirləri görüb. Hazırda xilasedicilər əl qumbarasının zərərsizləşdirilməsi istiqamətində işlər aparır.