ABŞ-da mağazaya basqın zamanı azərbaycanlı öldürülüb - FOTO

Bakı. 15 yanvar. REPORT.AZ/ ABŞ-da azərbaycanlı güllələnərək öldürülüb.

Bu barədə "Report" "Wsoctv"yə istinadən xəbər verir.

Yerli polisin məlumatına görə, 29 yaşlı Elçin Xəlilov Şimali Karolina ştatının Şarlot şəhərindəki mobil telefon təmiri mağazasında qətlə yetirilib. Polis cinayətin soyğunçuluq səbəbi ilə edildiyini bildirib.

E.Xəlilov odlu silahdan aldığı yara ilə xəstəxanaya çatdırılsa da, onun öldüyü təsdiqlənib.