Abay Kunanbayulının 175 illiyi ilə bağlı təntənəli mərasim başlayıb

Qazaxıstan paytaxtı Nur-Sultan şəhərinin “Astana Opera” teatrında Abay Kunanbayulının 175 illiyinə həsr edilən təntənəli tədbirlərin rəsmi açılış mərasimi başlayıb.

“Report” “Qazakparat”a istinadən xəbər verir ki, rəsmi açılış tədbirində Qazaxıstanın birinci prezidenti – Elbaşı Nursultan Nazarbayev və hazırkı prezidenti Kasım-Jomart Tokayev iştirak edirlər.

Qeyd edək ki, ötən ilin may ayında respublika prezidenti qazax xalqının böyük şairi və maarifçisi Abay Kunanbayulının (Kunanbayoğlu) 175 illiyini 2020-ci il boyu yüksək səviyyədə qeyd olunması ilə bağlı fərman imzalayıb. Fərman əsasında yubiley tədbirləri hazırlayıb həyata keçirmək üçün Dövlət Komissiyası yaradılıb.