İki məhkəmə kompleksi və bir məhkəmə binasının tikintisi başa çatıb

Yüksək texnologiyalı müasir Sumqayıt və Masallı məhkəmə komplekslərinin, Bakı şəhəri Suraxanı Rayon Məhkəməsi binasının tikintisi başa çatdırılıb.

Bu barədə “Report”a Məhkəmə Hüquq Şurasından məlumat verilib.

Qeyd edilib ki, məhkəmə infrastrukturunun müasirləşdirilməsi üzrə tədbirlər ötən ildə də davam etdirilib.

Məhkəmələrin üçdə ikisini əhatə edən "Elektron məhkəmə" informasiya sisteminin ölkənin bütün məhkəmələrində tətbiqi məqsədilə Dünya Bankı ilə xüsusi layihə icra olunur.