Yuxarı
    Bağlamaq

    "Yuventus"un futbolçusu Corco Kyellini "Barselona" ilə Çempionlar Liqasının final matçında oynamayacaq

    Təcrübəli müdafiəçi məşq vaxtı zədələnib

    Bakı. 4 iyun. REPORT.AZ/ İtaliyanın "Yuventus" klubunun futbolçusu Corco Kyellini Çempionlar Liqasında İspaniya "Barselona"sı ilə final matçı öncəsi zədələnib. "Report"un məlumatına görə, 31 yaşlı müdafiəçi son məşqlərdən birində baldır əzələsindən xəsarət alıb. 

    Nəticədə Kyellini məşqi vaxtından əvvəl tərk edib. Futbolçu bu gün tibbi müayinədən keçəcək. Bununla yanaşı, Andrea Bartsalyinin kollektiv məşqlərə qoşulduğu açıqlanıb. 

    Qeyd edək ki, "Yuventus" və "Barselona" arasındakı final matçı iyunun 6-da Almaniyanın paytaxtı Berlindəki "Olimpiastadion"da olacaq. Corco Kyellini bu mövsüm Çempionlar Liqasında 12 oyunu əvəzlənmədən keçirib və 3 sarı vərəqə alıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi