Yuxarı
    Bağlamaq

    Yunis Hüseynov: "Rasim Ramaldanov, Kamran Abdullazadə iynə hesabına oyuna çıxmışdılar"

    Oyunun gedişində “Neftçi”nin bizdən güclü təsir bağışlaması hiss olunmurdu

    Bakı. 23 noyabr. REPORT.AZ/ “Oyun gərgin keçdi. İlk hissədə yaxşı oynasaq da, ikinci hissədə fərdi səhvlərdən qollar buraxdıq. İlk qoldan sonra açıq futbol sərgiləməyə başladıq və rəqib bundan istifadə etdi".

    "Report" xəbər verir ki, bu sözləri "Neftçi"yə məğlubiyyətdən sonra (2:0) “Xəzər Lənkəran”ın baş məşqçisi Yunis Hüseynov deyib.

    O, komandasının aqressiv olmadığını, əksinə rəqibin daha aqressiv davrandığını qeyd edib:

    "Bizim komandamızda intizamsızlıq ola bilməz. Oyunun gedişində “Neftçi”nin bizdən güclü təsir bağışlaması hiss olunmurdu. Heyətdə problemlərimiz var. Rasim Ramaldanov, Kamran Abdullazadə iynə hesabına oyuna çıxmışdılar. Düşünürəm ki, bütün bunlara baxmayaraq, rəqibə heç bir cəbhədə uduzmadıq. Məğlubiyyətə görə azarkeşlərimizdən üzr istəyirəm. Məğlub olmağımızı istəməzdim. Futbolçular da bunu başa düşməlidirlər”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi