Yuxarı
    Bağlamaq

    Ukraynada klub prezidenti axtarışa verilib

    Pyotr Dıminski ölümlə nəticələnən qəza törətməkdə ittiham olunur

    Bakı. 16 dekabr. REPORT.AZ/ Ukraynanın "Karpatı" futbol klubunun prezidenti Pyotr Dıminski barəsində axtarış elan olunub. "Report"un məlumatına görə, 63 yaşlı funksioner ölümlə nəticələnən yol-nəqliyyat hadisəsi törətməkdə şübhəli bilinir.

    O, hələ araşdırmaların başlandığı vaxt ölkənin hüdudlarını tərk edib və hazırda hüquq-mühafizə orqanlarından gizlənir.

    Avqustda Lvov yaxınlığında "Mercedes S 65 AMG" markalı avtomobilin "Opel"lə toqquşması nəticəsində bir qadın ölüb. İstintaqçıların versiyasına əsasən, həmin vaxt qəza törədən maşının sükanı arxasında yol hərəkəti qaydalarını pozan şəxs Dıminski olub. Lakin biznesmenin mühafizəçisi maşını məhz özünün sürdüyünü iddia edib. O, 2 aylıq həbs cəzası alsa da, təhqiqatçılar faciənin günahkarının klub prezidenti olduğunu bildiriblər. Funksioner sorğu-suala çağırılıb və ondan DNT analizi verməsi tələb olunub. Lakin istintaqın gedişində Dıminski çağırışlara məhəl qoymadan İsveçrənin Cenevrə şəhərinə uçub.

    Müəyyən olunub ki, avtomobilin sükanı arxasında, qəzaya görə məsuliyyəti üzərinə götürmüş klub prezidentinin mühafizəçisi olmayıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi