Yuxarı

Türkiyə Super Liqasının sabiq bombardiri həbs olunub

Türkiyə Super Liqasının sabiq bombardiri həbs olunub
O,  FETÖ ilə bağlı istintaq çərçivəsində saxlanılıb

Bakı. 17 noyabr. REPORT.AZ/ Türkiyə milli komandasının sabiq futbolçusu Zafer Biryol həbs olunub. 

“Report” “Sabah”a istinadən xəbər verir ki, 2003/2004 mövsümündə Türkiyə Superliqasının bombardiri olan 41 yaşlı veteran hücumçu İstanbul Baş Prokurorluğu tərəfindən Fətullahçı Terror Təşkilatı (FETÖ) ilə bağlı istintaq çərçivəsində saxlanılıb.

Həbsin detalları barədə məlumat verilmir.

Qeyd edək ki, Türkiyə millisinin heyətində 7 oyun keçirib 1 qol vuran Zafer Biryol karyerası ərzində “Fənərbaxça” və “Bursaspor” kimi klubların formasını geyinib. O, 2003/2004 mövsümündə “Konyaspor”un heyətində vurduğu 25 qolla Türkiyə Super Liqasının bombardiri olub. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi