Yuxarı

​Türkiyə derbisində dava düşüb

Hadisə final matçında baş verib

Bakı. 18 yanvar. REPORT.AZ/ Türkiyənin 4 böyük futbol komandasının veteran futbolçuları arasında keçirilən mini-turnirdə dava düşüb. "Report"un məlumatına görə, hadisə "Qalatasaray" - "Fənərbağça" qarşılaşmasında baş verib.

"Sarı-qırmızılar"ın futbolçusu Hasan Şaş azarkeşlə mübahisə etdiyi üçün qırmızı vərəqə ilə cəzalandırılıb. Hadisəyə digər futbolçular da müdaxilə edib. Daha sonra azarkeşlər arasında dava düşüb və xeyli sayda fanat salondan çıxarılıb.

Qeyd edək ki, "Beşiktaş" və "Trabzonspor"un da qatıldığı turnirin qalibi finalda "Qalatasaray"ı 8:6 hesabı ilə yenən "Fənərbağça" olub. 



Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi