Yuxarı

"Sportinq" Bakıda "Qarabağ"la oyuna itkilərlə çıxacaq

"Sportinq" Bakıda "Qarabağ"la oyuna itkilərlə çıxacaq
İki futbolçu cəzalı duruma düşüb

Bakı. 10 noyabr. REPORT.AZ/ Portuqaliyanın "Sportinq" klubu Bakıda "Qarabağ"la keçirəcəyi Avropa Liqasının qrup mərhələsinin V tur matçına futbolçu itkiləri ilə çıxacaq.

"Report"un məlumatına görə, Markos Xavyer AkunyaJeremi Matyö IV turda səfərdə "Arsenal"la qolsuz heç-heçə etdikləri qarşılaşmada cəzalı duruma düşüb. Argentinalı hücumameylli yarımmüdafiəçi qrup mərhələsində üçüncü sarı vərəqəsini alaraq, limiti doldurub. Fransalı müdafiəçi isə sonuncu ümid folu kimi Mxitaryana qarşı kobudluğuna görə önündə qırmızı vərəqə görüb. O, meydanı tərk edərkən, azarkeşlərdən üzr istəyib.

Bundan əvvəl "Sportinq"in argentinalı futbolçusu Rodriqo Battalya uzun müddətlik sıradan çıxmışdı.

Qeyd edək ki, "Sportinq" sentyabrın 20-də "Qarabağ"la Lissabondakı qarşılaşmada qələbə qazanıb - 2:0. Komandalar noyabrın 29-da Bakı Olimpiya Stadionunda üz-üzə gələcək. "Qarabağ" - "Sportinq" matçı saat 21:55-də başlayacaq. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi