Yuxarı
    Bağlamaq

    ​"Simurq" Almaniyanın "Duysburq" kollektivinə məğlub olub

    Oyun 4:1 hesabı ilə rəqibin xeyrinə başa çatıb

    Bakı. 16 yanvar. REPORT.AZ/ Antalyada qış təlim-məşq toplanışında olan "Simurq" ikinci yoxlama görüşünü keçirib.

    "Report" klubun saytına istinadən xəbər verir ki, komandamızın rəqibi Almaniyanın "Duysburq" klubu olub.

    "Sarı-qaralar"ın baş məşqçisi Georgi Çixradze qalib heyəti dəyişməzlər prinsipinə uyğun olaraq ilk görüşdəki 11-i meydana buraxıb. Yalnız yüksək temperatur səbəbindən bu oyunda forma geyinə bilməyən İlkin Qırtımovun əvəzinə Kənan Müslümova şans verilib.

    Qarşılaşmada hesabı "Simurq" açıb. 23-cü dəqiqədə Samir Zərgərov dəqiq zərbə ilə komandamızı önə çıxardıb. Ancaq bu qoldan 5 dəqiqə sonra rəqib bərabərlik qolunu vurmağı bacarıb.

    İkinci hissədə meydanda azlıqda qalan komandamız almanlar qarşısında tab gətirə bilməyib və oyun 4:1 hesabı ilə rəqibin xeyrinə başa çatıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi