Yuxarı
    Bağlamaq

    "Şaxtyor" Mirça Luçeskunun yubileyi münasibətilə abidəsini ucaldıb

    Abidənin açılışı komanda Donetskə qayıtdıqdan sonra olacaq

    Bakı. 31 iyul. REPORT.AZ/ Ukraynanın "Şaxtyor" klubunun rəhbərliyi futbol komandasının baş məşqçisi Mirça Luçeskuya 70 illik yubileyində unudulmaz sürpriz bəxş edib. "Report"un məlumatına görə, Donetsk komandasında 11 ildir çalışan rumıniyalı mütəxəssisin heykəli ucaldılıb. 

    Heykəl "Narıncı-qaralar"ın doğma stadionu olan "Donbass Arena" önündə qurulub. Ölkədəki hərbi-siyasi vəziyyətlə əlaqədar ev oyunlarını Lvovda keçirən "Şaxtyor" Donetskə döndükdən sonra daha böyük ölçülü heykəl təntənəli mərasimlə açılacaq. 

    Qeyd edək ki, Mirça Luçesku Türkiyədə "Qalatasaray" və "Beşiktaş"ın da baş məşqçisi olub. O, həm hər iki komandaya, həm də Çempionlar Liqasının III təsnifat mərhələsində "Fənərbağça"nın rəqibi olan "Şaxtyor"a ölkə çempionluğu qazandırıb. Luçesku Donetsk komandası ilə UEFA Kuboku sevinci də yaşayıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi