“Sabah” futbol klubunun Müşahidə Şurası yaradılıb

Bakı. 9 avqust. REPORT.AZ/ “Sabah” futbol klubunun Müşahidə Şurası yaradılıb.

Klubun mətbuat xidmətindən “Report”a verilən məlumata görə, Müşahidə Şurasına 5 nəfər daxildir. 

Bunlar təhsil nazirinin müavini Firudin Qurbanov, futbol veteranı İqor Ponomaryov, “1news.az” saytının və “Bakinskiy raboçiy” qəzetinin rəhbəri Rəhman Hacıyev, eləcə də sahibkarlar - Rauf Xəlilov və Yaqub Hüseynovdur. Müşahidə Şurasının sədri F.Qurbanov olacaq.

Qeyd edək ki, Y.Hüseynov 2018/2019 mövsümündə Azərbaycan Premyer Liqasında debüt edəcək “Sabah”ın təsisçisidir. dir. O, klubun sponsoru “Bridge Group of Companies” şirkətinin rəhbəridir.