Bakı. 19 aprel. REPORT.AZ/ Ötən gün futbol üzrə Xorvatiya çempionatında 29-cu turun bir neçə oyunu keçirilib.
"Report" xəbər verir ki, Azərbaycan yığma komandasının futbolçusu Ruslan Qurbanovun şərəfini qoruduğu "Hayduk Split" doğma meydanda "Riyeka"nı qəbul edib.
Oyunda hesabı 44-cü dəqiqədə ev sahibləri açıb. "Hayduk" fasiləyə 1:0 hesablı üstünlüklə yollanıb.
İkinci hissənin 72-ci dəqiqəsində Ruslan Qurbanov Sandro Qotalı əvəzləyərək meydana daxil olub.
Matçın 80 və 82-ci dəqiqələrində rəqib komanda iki qol vuraraq gözlənilmədən hesabda irəli çıxıb. Qalan dəqiqələr ərzində "Hayduk" buraxılan qolların əvəzini çıxa bilməyib və məğlub olub.
Həmyerlimiz 90+1-ci dəqiqədə sarı fərəqə ilə yadda qalıb.