Yuxarı
    Bağlamaq

    DÇ-2018-in Avropa zonası üzrə püşkatma mərasimi keçirilib - YENİLƏNİB

    Püşkatma nəticəsində qrupların tərkibi formalaşıb

    Bakı. 25 iyul. REPORT.AZ/ DÇ-2018-in Avropa zonası üzrə püşkatma mərasimi keçirilib. "Report" un məlumatına görə, püşk nəticəsində 52 ölkə 9 qrupa bölünüb.

    Azərbaycan millisi C qrupuna düşüb. Bu qrupda 6 komanda yer alıb. Onlardan 1-cisi Almaniya, 2-cisi Çexiya, 3-cüsü Şimali İrlandiya, 4-cüsü Norveç, 5-cisi Azərbaycan, 6-cısı San-Marinodur.

    Püşk nəticəsində qrupların tərkibi belə müəyyənləşib: A QRUPU: Lüksemburq, Belarus, Bolqarıstan, İsveç, Fransa, Hollandiya B QRUPU: Andorra, Latviya, Farer adaları, Macarıstan, İsveçrə, Portuqaliya C QRUPU: San Marino, AZƏRBAYCAN, Norveç, Şimali İrlandiya, Çexiya, Almaniya D QRUPU: Gürcüstan, Moldova, İrlandiya, Serbiya, Avstriya, Uels E QRUPU: Qazaxıstan, Ermənistan, Monteneqro, Polşa, Danimarka, Rumıniya F QRUPU: Malta, Litva, Sloveniya, Şotlandiya, Slovakiya, İngiltərə G QRUPU: Lixtenşteyn, Makedoniya, İsrail, Albaniya, İtaliya, İspaniya H QRUPU: Kipr, Estoniya, Yunanıstan, Bosniya və Herseqovina, Belçika İ GRUBU: Finlandiya, Türkiyə, Ukrayna, İslandiya, Xorvatiya

    *** 21:26

    Bakı. 25 iyul. REPORT.AZ/ DÇ-2018-in Avropa zonası üzrə püşkatma mərasimi başlayıb. "Report" un məlumatına görə, püşk nəticəsində 52 ölkə 9 qrupa bölünür.

    *** 21:18

    Bakı. 25 iyul. REPORT.AZ/ Rusiyanın Sankt-Peterburq şəhərində DÇ-2018-in ilkin mərhələsinin püşkatma mərasimi başlayıb. "Report"un məlumatına görə, Rusiya prezidenti Vladimir Putinlə FİFA prezidenti Yozef Blatterin salamlama nitqindən sonra şou-çıxışlar olub. Ardından qitələrarası "pley-off" mərhələsinin püşkü atılıb.

    Rusiya birbaşa, 29 ölkə qitələrarası seçmə tsikllərdən dünya çempionatına vəsiqə qazanacaqlar. Qalan 2 vəsiqə məhz qitələrarası kəsişmənin oyunlarından sonra sahibini tapacaq. Nəticədə Şimali Amerika - Asiya, Okeaniya - Cənubi Amerika cütlüyü formalaşıb.

    Afrika zonasında ilk 2 mərhələnin püşkatma mərasimində komandalar bir-biri ilə 3 dövrəlik mürəkkəb olimpiya sistemi ilə cütlüklərə bölünüblər.

    Asiya zonasında seçmə mərhələ artıq başladığından, bu qitənin ölkələri üçün püşkatma keçirilməyib.

    Şimali, Mərkəzi Amerika və Karib hövzəsi ölkələri (KONKAKAF) üçün püşkatma nəticəsində qrupların tərkibi belə formalaşıb:

    A qrupu: Meksika, Honduras, Kürasao - Salvador cütünün qalibi, Kanada - Beliz cütünün qalibi,
    B qrupu: Kosta-Rika, Panama, Qrenada - Haiti cütünün qalibi, Yamayka - Nikaraqua cütünün qalibi,
    C qrupu: ABŞ, Trinidad və Tobaqo, Sent-Vinsent və Qrenadinı - Aruba cütünün qalibi, Antiqua və Barbuda - Qvatemala cütünün qalibi.

    Okeaniya zonası üçün də püşk atılıb. Qrupların tərkibi belə müəyyənləşib:

    A qrupu: Taiti, Yeni Kaledoniya, ilkin raundun qalibi, Papua-Yeni Qvineya,
    B qrupu: Yeni Zelandiya, Solomon Adaları, Fici, Vanuatu

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi