Yuxarı
    Bağlamaq

    Roman Qriqorçuk: "Bizə vacib olan "Qarabağ"la oyunumuz haqda fikirləşməkdir"

    Qəbələnin baş məşqçisi: İrəlidə 5 oyun var, bu, 15 xal deməkdir© Foto: "Report"

    Bakı. 19 mart. REPORT.AZ/ "Qəbələ" komandasının baş məşqçisi Roman Qriqorçuk Azərbaycan Premyer Liqasının XXIII turu çərçivəsində AZAL ilə 1:1 hesablı heç-heçədən sonra mətbuat konfransına qatılıb. 

    "Report"un məlumatına görə, 52 yaşlı ukraynalı mütəxəssis əvvəlcə oyunla bağlı fikirlərini bölüşüb, daha sonra jurnalistlərin suallarını cavablandırıb.

    - Ümumlikdə komandanın oyunundan razı qaldım. Çatışmayan tək şey qol vəziyyətlərini reallaşdıra bilməməyimizdir. Ona görə nəticə bizi qane etmir.

    - "Qarabağ"ın "Zirə" ilə görüşdə xal itirəcəyinə inanırsınız?

    - İndiki vəziyyətdə bu barədə düşünmürəm. Bizə vacib olan "Qarabağ"la öz oyunumuz haqda fikirləşməkdir.

    - "Qəbələ" son turlarda xal itirdi. Bəlkə komandanız çempionluğa hazır deyil?

    - İrəlidə 5 oyun var, bu, 15 xal deməkdir. Çempionatın sonunda bu sualı cavablandıra bilərəm.

    - Bəzən Ukrayna mətbuatında sizin adınız hanısısa klubla yanaşı hallanır. Bu isə söhbətlərə yol açır ki, "Qəbələ" çətinə düşən kimi məqsədli şəkildə belə xəbərlər çıxır.

    - Bu mövzuda danışmaq istəmirəm. Başa düşə bilmirəm, bu necə ola bilər. Heç bir fikrim yoxdur. Şərh verməyəcəyəm.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi