Respublika stadionunun sabiq direktoru vəfat edib

Bakı. 26 fevral. REPORT.AZ/ Tofiq Bəhramov adına Respublika Stadionunun direktoru Akif İsmayılov vəfat edib. "Report"un məlumatına görə, A.İsmayılov on günə yaxındır müalicə aldığı özəl klinikalardan birində 52 yaşında ikən dünyasını dəyişib.

Əvvəllər böyrəyindən əməliyyat olunmuş A.İsmayılov bu yaxınlarda soyuqdəymə nəticəsində sətəlcəm keçirib. Klinikada reanimasiya şöbəsinə yerləşdirilən sabiq direktorun həyatını xilas etmək mümkün olmayıb.

Mərhum bu gün dəfn olunacaq.

Qeyd edək ki, Akif İsmayılov 1999 - 2015-ci illərdə Respublika stadionunun direktoru olub.