Yuxarı
    Bağlamaq

    "Qəbələ" "Zirə"ni məğlub edərək liderliyi özünə qaytarıb

    Azərbaycan Premyer Liqasında VI turun daha bir oyunu keçirilib

    Bakı. 25 sentyabr. REPORT.AZ/ Futbol üzrə Azərbaycan Premyer Liqasında VI turun daha bir oyunu keçirilib.

    "Report"un məlumatına görə, "Qəbələ" səfərdə "Zirə"ni üstələməyi bacarıb. Hər iki qolu yayda transfer edilmiş Teo Uiks vurub. O, 19-cu və 76-cı dəqiqələrdə fərqlənib.

    Beləliklə, xallarını 16-ya çatdıran "Qəbələ" yenidən liderliyi ələ keçirib. 13 xala malik "Qarabağ" 3-cü pilləyə enib və açılış oyununda səfərdə AZAL-ı 3:1 hesabı ilə məğlub etmiş "İnter"dən 1 xal geri düşüb.

    "Kəpəz" 7 xalla 4-cü, "Zirə" 6 xalla 5-ci pillədə qalıb.

    Azərbaycan Premyer Liqası, VI tur

    25 sentyabr

    15:30. "Kəpəz" - "Qarabağ" - 1:1

    Qollar: Dario Federiko, 54 - Reynaldo Silva, 75

    Hakimlər: Rəhim Həsənov, Yaşar Abbasov, Mehman Mahmudov, Knyaz Əmiraslanov

    Əlavə köməkçi hakimlər: Rauf Cabbarov, İnqilab Məmmədov

    AFFA nümayəndəsi: Məmmədəli Məmmədov

    Hakim-inspektor: Xaqani Məmmədov

    Gəncə şəhər stadionu

    18:00. "Zirə" - "Qəbələ" - 0:2

    Qollar: Teo Uiks, 19; 76

    Hakimlər: Rəvan Həmzəzadə, Elman Musayev, Nahid Əliyev, Namiq Hüseynov

    Əlavə köməkçi hakimlər: Əliyar Ağayev, Fariz Yusifov

    AFFA nümayəndəsi: Eldar Qasımov

    Hakim-inspektor: Şaiq Həmidov

    Zirə İdman Kompleksinin stadionu

    Qeyd edək ki, turun son oyunu sentyabrın 27-də keçiriləcək. Saat 19:00-da "Neftçi" "Əlincə Arena"da "Sumqayıt"ı qəbul edəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi