Yuxarı

"Qəbələ" səfərdə "Sumqayıt"la sülh bağlayıb

"Qəbələ" səfərdə "Sumqayıt"la sülh bağlayıb
Oyun 2:2 hesabı ilə başa çatıb

Bakı. 25 oktyabr. REPORT.AZ/ Bu gün Azərbaycan Premyer Liqasının IX turunda "Sumqayıt" öz meydanında "Qəbələ"ni qəbul edib. 

"Report"un məlumatına görə, oyun Sumqayıtdakı "Kapital Bank Arena"da keçirilib.

Qarşılaşmaya meydan sahibləri daha aktiv başlayıb. Komandaların qarşılıqlı hücumlarına baxmayaraq, ilk hissədə qapılara top vurulmayıb.

İkinci hissədə "Sumqayıt" istəyinə çatıb. Hissənin ilk dəqiqəsində Yusif Nəbiyev hesabı açıb. Oyunun 64-cü dəqiqəsində Rəşad Eyubov hesaba tarazlıq gətirib. 9 dəqiqə sonra isə "qırmızı-qaralar" qələbə topunu vurub. Filip Ozobiç Fərhad Vəliyevi məyus etməyi bacarıb.

Lakin bu oyunda vurulan son qol olmayıb. 94-cü dəqiqədə Sadiq Quliyev rəqibə qarşı cərimə meydançasında kobud oynayıb və baş hakim "Sumqayıt"ın lehinə penalti təyin edib. Topa yaxınlaşan Amil Yunanov hesabı bərabərləşdirib - 2:2.

Bu görüşdən sonra "Qəbələ" xal ehtiyatını 22-yə çatdıraraq liderlik mövqeyini möhkəmləndirib. "Sumqayıt" isə 9 xalla 6-cı pillədədir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi