Yuxarı

"Qarabağ" rəsmisi: "Beşiktaş"la oyunun sentyabrda keçiriləcəyini dəqiq deyə bilmərəm"

"Qarabağ" rəsmisi: "Beşiktaş"la oyunun sentyabrda keçiriləcəyini dəqiq deyə bilmərəm"
Əmrah Çəlikəl: Amma bu il ərzində mütləq qarşılaşacağıq

Bakı. 24 aprel. REPORT.AZ/ "Qarabağ" klubu bu il ərzində Türkiyənin "Beşiktaş" komandası ilə yoldaşlıq görüşü keçirəcək. 

Bu barədə "Report"a Ağdam təmsilçisinin direktoru Əmrah Çəlikəl məlumat verib. O, "qara qartallar"ın belə bir istəyindən xəbərdar olduqlarını açıqlayıb. Türkiyə klubu ilə gözəl münasibətlərinin olduğunu deyən Ə.Çəlikəl yoldaşlıq görüşünün təşkili istiqamətində danışıqların davam etdiyini vurğulayıb: "Klubun prezidenti Fikrət Orman bura gələndə görüşə bilmədik. O, başqa bir tədbir üçün gəlmişdi. Ona görə də görüşümüz baş tutmadı. Amma danışıqlarımız davam edir. Oyunun sentyabrda baş tutacağını dəqiq deyə bilmərəm. Lakin 2018-ci il ərzində bu komanda ilə mütləq yoldaşlıq oyunu keçirməyi planlaşdırırıq".

Qeyd edək ki, Türkiyənin "Beşiktaş" klubunun prezidenti Fikrət Orman "Qarabağ"la senytabrda Bakıda yoldaşlıq oyunu keçirmək istədiklərini açıqlayıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi