Yuxarı
    Bağlamaq

    "Qarabağ"la "Qəbələ"nin Avropa Liqasındakı ev oyunlarının başlama saatı müəyyənləşib

    Hər iki komanda ilk rəqiblərini saat 19:00-da qəbul edəcək

    Bakı. 30 avqust. REPORT.AZ/ Azərbaycan təmsilçiləri "Qarabağ" və "Qəbələ"nin Avropa Liqasının qrup mərhələsindəki ev oyunlarının başlama saatları müəyyənləşib. "Report"un məlumatına görə, ilk olaraq, evdə Ağdam komandası görüş keçirəcək.

    Çexiya "Slovan"ı ilə sentyabrın 15-də nəzərdə tutulan qarşılaşma Bakı vaxtı ilə saat 19:00-da (Avropa vaxtı ilə saat 17:00-da) başlanacaq. Qarşılaşmanın Tofiq Bəhramov adına Respublika stadionunda təşkil olunacağı bildirilir. Amma "Qarabağ"ın baş məşqçisi Qurban Qurbanov mərkəzi arenanın ot örtüyünün bərbad vəziyyətdə olması səbəbindən görüşün ya Bakı Olimpiya Stadionu, ya da "Dalğa Arena"da baş tutacağını bildirib.

    "Qəbələ" isə sentyabrın 29-na təsadüf edəcək II turda ilk rəqibini qəbul edəcək. Almaniya "Maynts"ı ilə görüşə də saat 19:00-da start veriləcək. Qarşılaşma "Bakcell Arena"da oynanılacaq.

    III turda "Qarabağ" Yunanıstan PAOK-u ilə 20 oktyabr saat 19:00-da, IV turda "Qəbələ" Fransa "Sent-Etyen"i ilə 3 noyabr saat 22:00-da qarşılaşacaq.

    Noyabrın 24-də IV turda "Qəbələ"nin Belçika "Anderlext"i ilə, dekabrın 8-də VI turda "Qarabağ"ın İtaliya "Fiorentina"sı ilə ev oyunları saat 20:00-da başlanacaq.

    Qeyd edək ki, Azərbaycan ərazisində yay və qış vaxtlarına keçid ləğv olunduğundan, oktyabrın 30-na keçən gecədən etibarən Mərkəzi Avropa ilə vaxt fərqi 3 saata yüksələcək. Bu səbəbdən, başlama saatlarında dəyişiklik edilib.  

    Azərbaycan klublarının ev oyunlarının başlama saatları (Mərkəzi Avropa və Bakı vaxtı ilə)

    I tur

    15 sentyabr

    17:00 (19:00). "Qarabağ" - "Slovan" (Liberets, Çexiya)

    19:00 (21:00). "Anderlext" (Belçika) - "Qəbələ"

    II tur

    29 sentyabr

    17:00 (19:00). "Qəbələ" - "Maynts" (Almaniya)

    19:00 (21:00). "Fiorentina" (İtaliya) - "Qarabağ"

    III tur

    20 oktyabr

    17:00 (19:00). "Qarabağ" - PAOK (Yunanıstan)

    21:05 (23:05). "Sent-Etyen" (Fransa) - "Qəbələ"

    IV tur

    3 noyabr

    19:00 (22:00). "Qəbələ" - "Sent Etyen"

    21:05 (00:05). PAOK - "Qarabağ"

    V tur

    24 noyabr

    17:00 (20:00). "Qəbələ" - Anderlext"

    19:00 (22:00). "Slovan" - "Qarabağ"

    VI tur

    8 dekabr

    17:00 (20:00). "Qarabağ" - "Fiorentina"

    19:00 (22:00). "Maynts" - "Qəbələ"

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi