"Qarabağ"la "Kopenhagen" arasında keçiriləcək matçların başlama saatları açıqlanıb

"Qarabağ"la "Kopenhagen" arasında keçiriləcək matçların başlama saatları açıqlanıb Qarşılaşmanın start fiti saat 21:00-da yox, 20:00-da çalınacaq
Futbol
4 Avqust , 2017 22:53
Qarabağla Kopenhagen arasında keçiriləcək matçların başlama saatları açıqlanıb

Bakı. 4 avqust. REPORT.AZ/ "Qarabağ" və Danimarkanın "Kopenhagen" komandaları arasında keçiriləcək Çempionlar Liqasının "pley-off" matçlarının başlama saatları açıqlanıb.

"Report"un UEFA-nın rəsmi saytına istinadən məlumatına görə, avqustun 15-də Bakıdakı Tofiq Bəhramov adına Respublika Stadionunda təşkil olunacaq qarşılaşma ənənəvi saatda start götürməyəcək. Qarşılaşmanın start fiti saat 21:00-da yox, 20:00-da çalınacaq. Bu, həm də günün ilk oyunu olacaq.

Cavab matçı isə avqustun 23-də Bakı vaxtı ilə saat 22:45-ə təyin olunub. Görüş Kopenhagendəki "Parken" stadionunda keçiriləcək.

Son xəbərlər

Orphus sistemi