Yuxarı
    Bağlamaq

    ​"Qarabağ" klubu "Levski" ilə oyunun danışılmış olduğu ilə bağlı məsələlərə aydınlıq gətirib

    Oyunda penalti epizodlarının çoxluğundan danışan baş menecer bunun klubdan yox, oyunun baş hakimindən asılı olduğunu söyləyib

    Bakı. 27 yanvar. REPORT.AZ/ "Bu yoldaşlıq görüşüdür, hansısa danışılmış oyundan söhbət gedə bilməz". Bunu "Report"a açıqlamasında "Qarabağ" klubunun baş meneceri Asif Əsgərov deyib.

    Türkiyənin Antalya bölgəsində qış təlim-məşq toplanışı zamanı Bolqarıstan "Levski"si ilə keçirilən görüşün danışılmış oyun olmasına münasibət bildirən klub rəsmisi bunun mümkünsüz olduğunu bildirib. O, "Qarabağ"ın heç bir danışılmış oyunda iştirak etmədiyini vurğulayıb: "Qarabağ" danışılmış oyunda iştirak etməyib. Ola bilər ki, bu, Bolqarıstan mətbuatının uydurmasıdır. Belə hal mümkünsüzdür, ağıllarına nə gəlirsə, yazırlar. Sizcə "Qarabağ" hansısa bir danışılmış oyunda iştirak edər? Referinin sonradan dəyişməsi məsələsinə gəldikdə, baş hakimin Ömər Paşayev olacağı əvvəlcədən məlum idi".

    Oyunda penalti epizodlarının çoxluğundan danışan baş menecer bunun klubdan yox, oyunun baş hakimindən asılı olduğunu söyləyib.

    Qeyd edək ki, Bolqarıstan mətbuatı qış təlim-məşq toplanışı zamanı Antalya bölgəsində keçirilən "Qarabağ" - "Levski" (0:3) matçının danışılmış oyun olduğunu iddia edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi