Yuxarı

Qara Qarayev: "Rəşad Sadıqovun yoxluğu ciddi itkidir"

Böyük ehtimalla kapitan Rahid Əmirquliyev olacaq

Bakı. 11 oktyabr. REPORT.AZ/ Azərbaycan milli komandasının kapitanı 2018-ci il dünya çempionatının seçmə qrup mərhələsində Çexiya ilə keçiriləcək səfər oyununda meydana çıxmayacaq. 

Bu barədə "Report"a milli komandanın üzvü Qara Qarayev bildirib.

Onun sözlərinə görə, R.Sadıqovun yoxluğunda kapitanlıq sarğısı böyük ehtimalla vitse-kapitan Rahid Əmirquliyevə həvalə olunacaq: "Baş məşqçi kimi kapitan olacağını açıqlamayıb. Ancaq böyük ehtimalla Rahid kapitan kimi meydana çıxacaq".

Yarımmüdafiəçi R.Sadıqovun yoxluğunu ciddi itki adlandırıb: "Təbii ki, onun komandaya böyük köməyi olur. Rəşadın yoxluğu komanda üçün ciddi itkidir. İndiki halda baş məşqçi hansı tapşırığı versə, onu etməyə, bu yoxluğu hiss etdirməməyə çalışacağıq".

Qeyd edək ki, Çexiya-Azərbaycan oyunu Bakı vaxtı ilə saat 22:45-də başlayacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi