Yuxarı

​Premyer Liqa: "Qarabağ" qalib gəlib, "Qəbələ" məğlub olub

Qəbələnin 15 oyunluq məğlubiyyətsizlik seriyası sona çatıb

Bakı. 12 sentyabr. REPORT.AZ/ Bu gün futbol üzrə Azərbaycan Premyer Liqası çərçivəsində 4-cü turun oyunlarına start verilib.

"Report" xəbər verir ki, Bakıda "İnter"in qonağı olan Qəbələnin eyniadlı klubu çempionatda ilk məğlubiyyəti ilə üzləşib.

"Qəbələ" Bakı klubunun vurduğu iki qola yalnız bir qolla cavab verə bilib. Bununla da, "Qəbələ"nin 15 oyunluq məğlubiyyətsizlik seriyası sona çatıb.

Turun digər görüşündə "Qarabağ" "Xəzər Lənkəran"ı qəbul edib və qarşılaşma Ağdam təmsilçisinin minimal hesablı qələbəsi ilə başa çatıb.

Bu tur, həmçinin "Kəpəz" klubu ilk qələbəsini qazanıb. Komanda doğma meydanda AZAL-ı 1:0 hesabı ilə məğlub edib.

Turun digər görüşləri sabah keçiriləcək.

Azərbaycan Premyer Liqası. IV tur

"Qarabağ" - "Xəzər Lənkəran" - 1:0

Qol: Samuel Armenteros, 73 (1:0)

"İnter" - "Qəbələ" - 2:1

Qollar: Dieqo Martins, 10, 29 (2:0), Aleksey Antonov, 84 (2:1)

"Kəpəz" - AZAL - 1:0

Qol: Dario Federiko, 28 (1:0)

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi