Yuxarı
    Bağlamaq

    ​"Neftçi" və "Qəbələ" klubları Avropa Liqasında ilk oyunlarını keçirəcək

    Bakı klubu səfərdə, Qəbələ təmsilçisi isə Bakıda meydana çıxacaq

    Bakı. 30 iyun. REPORT.AZ/ Bu gün "Neftçi" və "Qəbələ" klubları Avropa Liqasının I təsnifat mərhələsində ilk oyunlarını keçirəcəklər.

    "Report"un məlumatına görə, Bakı klubu səfərdə, Qəbələ təmsilçisi isə paytaxtda meydana çıxacaq.

    "Neftçi" Maltada "Baltsan"ın qonağı olacaq. "Hibernians" stadionunda keçiriləcək matçın start fiti Bakı vaxtı ilə saat 20:00-da səslənəcək. Ötən il Avrokuboklarda uğursuzluqla üzləşən paytaxt təmsilçisi səfərdən sərfəli nəticə ilə dönməyə çalışacaq. Cütün qalibi "Şkendiya" (Makedoniya) və "Krakoviya" (Polşa) komandalarının güclüsü ilə II təsnifat mərhələsində üz-üzə gələcək.

    "Qəbələ" isə "Bakcell Arean"da Gürcüstan "Samtredia"sını sınağa çəkəcək. Ötən il müsbət çıxışı ilə Avropa Liqasının qrup mərhələsinə yüksələn Roman Qriqorçukun rəhbərlik etdiyi komanda ötənilki çıxışını davam etdirməyə çalışacaq. İki oyunun nəticəsinə əsasən II təsnifat mərhələsinə yüksələn komanda "Aktobe" (Qazaxıstan) - MTK (Macarıstan, Budapeşt) cütünün qalibi ilə qarşılaşacaq.

    Avropa Liqası, I təsnifat mərhələsi, ilk oyunlar

    20:00. "Neftçi" (Azərbaycan) - "Baltsan" (Malta)

    Baş hakim: Yovan Kaludyeroviç (Monteneqro)

    Hakimlər: Daniel Deviç, Vladan Todoroviç

    Dördüncü hakim: Mileta Şçepanoviç

    Paolo. "Hibernian" stadionu

    21:00. "Qəbələ" (Azərbaycan) - "Samtredia" (Gürcüstan)

    Baş hakim: Denis Şerbakov

    Baş hakimin köməkçiləri: Dmitri Juk, Yuri Xomçanka

    Dördüncü hakim: Sergey Tsınkeviç

    Hakim-inspektor: Aleksey Spirin (Rusiya)

    Bakı. "Bakcell Arena"

    Qeyd edək ki, cavab görüşləri iyulun 7-də keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi