Yuxarı
    Bağlamaq

    "Neftçi"nin keçmiş futbolçusunu Rusiya MOİK-i istəyir

    Aylton Silva Benfikanın da maraq dairəsindədir

    Bakı. 6 iyun. REPORT.AZ/ "Neftçi" klubunun sabiq futbolçusu Aylton Ferreyra Rusiya MOİK-inə keçə bilər. 

    "Report"un "Globo" portalına istinadən verdiyi məlumata görə, braziliyalı müdafiəçinin nümayəndəsinin əlində "hərbçilər"in təklifi var.

    Yaxın günlərdə tərəflər arasında danışıqların aparılacağı bildirilir. 22 yaşlı oyunçu ilə MOİK-dən başqa Portuqaliyanın "Benfika" klubu da maraqlanır.

    Qeyd edək ki, müqavilə üzrə Braziliya "Flüminense"sinə məxsus Aylton Ferreyra Silva "Neftçi"də 2015-2016 mövsümündə çıxış edib. O, 32 oyuna 3 qol vurub və 3 dəfə qırmızı vərəqə alıb. Ötən mövsüm isə Aylton Portuqaliya "Eştoril"ində oynayıb və 23 qarşılaşmada 1 qol vurub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi