Bakı. 22 oktyabr. REPORT.AZ/ "Neftçi” klubu 2 futbolçusunu cəzalandırıb. "Report"un klubun rəsmi saytına istinadən verdiyi məlumata görə, Samir Məsimovla Məhəmməd Qurbanov əvəzedici heyətə göndərilib.
Cəzaya Azərbaycan Premyer Liqasının IX turu çərçivəsində keçirilmiş AZAL - "Neftçi” matçında Məsimovla Qurbanovun peşəkar səviyyələrindən aşağı çıxış etmələri səbəb göstərilib. Onlar məşqçilər korpusunun təqdimatına əsasən əsas komandadan kənarlaşdırılıblar.
Qeyd edək ki, "Neftçi" AZAL-a 1:2 hesabı ilə uduzub.