Məşhur futbolçu karyerasını Meksikada davam etdirə bilər

Yaponiyanın “Saqan Tosu” klubunun futbolçusu Fernando Torres karyerasını Meksikada davam etdirə bilər.

“Report” “Football Espana”ya istinadən xəbər verir ki, 35 yaşlı fovard yayda “Atletiko San-Luis”ə keçəcək.

Transferin reallaşmasına səbəb kimi Torresin yetirməsi olduğu Madrid “Atletiko”sunun sahibinin Meksika klubunun səhmdarlarından biri olması göstərilir.

Qeyd edək ki, ötən yay “Saqan Tosu”ya keçən Torres iştirakçısı olduğu 7 oyunda qol vura bilməyib. O, İngiltərənin “Liverpul” və “Çelsi”, eləcə də İtaliyanın “Milan” klublarının formalarını geyinib.