“Kəpəz” - “Səbail” görüşünün yeri dəyişdirilib

Bakı. 19 sentyabr. REPORT.AZ/ Futbol üzrə Azərbaycan Premyer Liqasında VI turunun “Kəpəz” – “Səbail” görüşünün yeri dəyişdirilib.

“Report” Peşəkar Futbol Liqasının (PFL) rəsmi saytına istinadən xəbər verir ki, dəyişiklik “Kəpəz” klubunun müraciəti əsasında gerçəkləşib. Gəncə şəhər stadionunda təmir işlərinin davam etdiyini və “Səbail” klubunun razılıq məktubunu nəzərə alan PFL matçın sentyabrın 23-də “Dalğa Arena”da təşkilinə qərar verib.

VI turda meydan sahibi “Səbail”, hər iki klubun iştirakı ilə ikinci dövrənin oyununda isə “Kəpəz” təsdiqlənib.