Yuxarı

“Kəpəz”in qış toplanışı üçün rəqibləri müəyyənləşib

Gəncə komandası üç günə dörd yoxlama matçı keçirəcək

Bakı. 5 yanvar. REPORT.AZ/ Gəncənin “Kəpəz” futbol komandasının qış təlim-məşq toplanışı müddətində keçirəcəyi yoxlama oyunlarında rəqibləri müəyyənləşib.

"Report"un məlumatına görə, üç günə dörd yoxlama matçına çıxacaq komanda Premyer Liqa və I divizion klubları ilə qarşılaşacaq.

"Sarı-göylər” yanvarın 17-də saat 11:00-da MOİK, saat 15:00-da AZAL-la görüşəcək. Yanvarın 19-da Nizami yurdunun təmsilçisi günün ilk yarısında (saat 11:00-da) “Qaradağ Lökbatan” ilə, ikinci yarısında isə (saat 15:00-da) “Zirə” ilə üz-üzə gələcək. “Zirə”yə qarşı görüş rəqibin meydançasında keçiriləcəksə, digər bütün oyunlar “Dalğa Arena”da gerçəkləşəcək.

Gəncə klubu yoxlama matçlarına iki fərqli heyətlə çıxacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi