İtaliyanın "Milan" klubu ispaniyalı qapıçını transfer edib

Bakı. 15 may. REPORT.AZ/ İtaliyanın "Milan" klubu "Napoli"nin qapıçısı Pepe Reynanı heyətinə qatıb.

"Report" "Futbool İtalia" nəşrinə istinadən xəbər verir ki, bu barədə klubun idman direktoru Massimiliano Mirabelli məlumat verib. 

O, komandada rəqabət səviyyəsini artırmaq üçün bu addımı atdıqlarını söyləyib.

Qeyd edək ki, Pepe Reynanın Neapol təmsilçisi ilə müqaviləsi mövsümün sonunda başa çatır. "Milan" klubu ispaniyalı qolkiperi azad agent kimi heyətinə qatacaq.