İtaliya klubunun baş məşqçisi təyinatından dörd ay sonra qovulub

İtaliyanın "Empoli" klubu baş məşqçisi Cüzeppe Yakini ilə yollarını ayırıb.

"Report" xəbər verir ki, bu barədə klubun rəsmi saytı məlumat yayıb. 55 yaşlı mütəxəssisi bu postda digər italiyalı məşqçi Aurelio Andreaçolli əvəzləyib.

Qeyd edək ki, "Empoli" hazırda İtaliya A Seriyasında 22 xalla 17-ci pillədədir. Cüzeppe Yakini noyabrın 6-da komandaya baş məşqçi təyin olunub.