İspaniya milli komandasının baş məşqçisinin köməkçiləri müəyyənləşib

Bakı. 16 avqust. REPORT.AZ/ İspaniya milli komandasının baş məşqçisi Luis Enrikenin köməkçiləri müəyyənləşib. 

"Report" İspaniya Kral Futbol Federasiyasının saytına istinadən xəbər verir ki, 48 yaşlı mütəxəssisə Lorenso Del Poso və Xuanxo Qonsales yardımçı olacaq. Del Poso idman terapevti, Qonsales isə texniki məşqçi vəzifəsini yerinə yetirəcək. 

Qeyd edək ki, İspaniya yığmasının məşqçilər heyətinin debütü Millətlər Liqasında İngiltərəyə qarşı olacaq. Həmin qarşılaşma sentyabrın 8-də Londonda keçiriləcək.