İbrahimoviç İspaniyaya qayıtmasının səbəbini açıqlayıb

ABŞ-ın "Los-Anceles Qelaksi" klubunda çıxış edən Zlatan İbrahimoviç İspaniyaya qayıtmasının səbəbini açıqlayıb.

"Report"un məlumatına görə, 38 yaşlı isveçli hücumçu bu barədə rəsmi "Twitter" hesabından paylaşım edib.

Təcrübəli forvardın bukmeyker şirkətlərindən biri ilə əməkdaşlıq etdiyi bəlli olub.

Qeyd edək ki, Zlatan İbrahimoviçin hazırkı klubu ilə müqaviləsi bu il dekabrın 31-də başa çatır. O, yenidən Avropada futbol oynamaq istədiyini bildirib. İbrahimoviç daha öncə İspaniyaya qayıdacağını açıqlayıb. İsveç millisinin sabiq üzvü 2009 - 2011-ci illərdə İspaniya "Barselona"sının formasını geyinib.