Yuxarı
    Bağlamaq

    "Qalatasaray"a yeni baş məşqçi təyin olunub

    66 yaşlı mütəxəssislə rəsmi müqavilə yaxın günlərdə imzalanacaq

    Bakı. 23 noyabr. REPORT.AZ/ Türkiyənin "Qalatasaray" futbol komandasına yeni baş məşqçi təyin olunub. "Report"un məlumatına görə, klubun prezidenti Dursun Özbək Mustafa Dənizli ilə danışıqların uğurla tamamlandığını açıqlayıb.

    Artıq ilkin anlaşmanın əldə olunduğunu deyən Özbək rəsmi müqavilənin bir neçə günə imzalanacağını bildirib.

    Qeyd edək ki, Mustafa Dənizli baş məşqçi karyerasında üçüncü dəfə "Qalatasaray"ın sükanı arxasına keçib. 66 yaşlı mütəxəssis 1987-1989 və 1990-1992-ci illərdə də "sarı-qırmızılar"ın sükanı arxasında olub. O, sonuncu dəfə 2013-cü ilin noyabrından 2014-cü ilin mayınadək "Xəzər Lənkəran"da çalışıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi