Fransa klubunun prezidenti 2 illik diskvalifikasiya olunub

Bakı. 31 yanvar. REPORT.AZ/ Fransanın “Ayaçço” klubunun prezidenti Leon Luçani 2 il müddətinə diskvalifikasiya olunub.

“Report” xəbər verir ki, bu barədə ölkənin Peşəkar Futbol Liqasının İntizam Komitəsi qərar çıxarıb. Klub rəhbəri ötən il dekabrın 5-də Liqa 2-nin XVII turunda “Nansi” ilə 1:1 hesablı heç-heçə etdikləri oyundan sonra hakimlərə qarşı aqressiv davranışına görə cəzalandırılıb.

Qərar fevralın 5-dən qüvvəyə mininr. Leon Luçani bu müddətdə prezident vəzifəsini icra edə, həmçinin ehtiyat oyunçular skamiyasında yer ala bilməz.