Yuxarı
    Bağlamaq

    "Fənərbağça"nın qapıçısına qarşı istintaq araşdırmalarına başlanılıb

    Volkan Dəmirəl öz klubunun azarkeşlərini təhqir edib

    Bakı. 7 fevral. REPORT.AZ/ Futbol üzrə Türkiyə milli komandasının və "Fənərbağça" klubunun qapıçısı Volkan Dəmirələ qarşı istintaq araşdırmalarına başlanılıb. 

    "Report"un məlumatına görə, buna təcrübəli qolkiperin "Fənərbağça" və "Qalatasaray" arasındakı basketbol matçı zamanı öz komandasının azarkeşlərinə təhqiramiz davranışı səbəb olub.

    İstanbul Anadolu Cümhuriyyət Baş Prokurorluğu Dəmirəlin hərəkətlərinin videogörüntülərini əldə etdikdən sonra belə qərar verib.

    Qeyd edək ki, Volkan Dəmirəlin tribunadan izlədiyi derbi "Fənərbağça"nın qələbəsi ilə yekunlaşıb - 85:50. Görüşdən sonra tribunadan enən qapıçı qalib komandanı təbrik edib və azarkeşlərin ünvanına təhqiramiz ifadə səsləndirib.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi