Yuxarı

"Fənərbağça" "Liverpul"un futbolçusunu heyətinə qatıb

Mersisaydlılar 31 yaşlı müdafiəçinin satışından 7 milyon avro qazanacaqlar

Bakı. 14 iyul. REPORT.AZ/ İngiltərə "Liverpul"unun futbolçusu Martin Şkrtel Türkiyənin "Fənərbağça" klubuna keçib. "Report"un İstanbul təmsilçisinin rəsmi saytına istinadən verdiyi məlumata görə, təqdimat mərasimi iyulun 15-də olacaq.

Mersisaydlılar 31 yaşlı müdafiəçinin satışından 7 milyon avro qazanacaqlar. Slovakiyalı oyunçu ilə yeni klubu arasındakı anlaşmanın detalları açıqlanmır.

Şkrtel ötən mövsüm bütün turnirlərdə 39 oyuna 1 qol vurub. O, Avropa çempionatında da çıxış edib.

Qeyd edək ki, "Fənərbağça" daha öncə Rusiya yığmasının müdafiəçisi Roman Noyştedterlə müqavilə bağlayıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi