Emil Balayev Qazaxıstan klubunun heyətindəki debüt matçında iki top buraxıb

Bakı. 6 fevral. REPORT.AZ/ Azərbaycan millisinin futbolçusu Emil Balayev Qazaxıstanın "Tobol" klubunda debüt edib.

"Report"un məlumatına görə, 25 yaşlı qolkiper Türkiyənin Antalya bölgəsindəki təlim-məşq toplanışında Cənubi Koreyanın "Tecon Sitizen" komandasına qarşı yoxlama matçında start heyətdə yer alıb. Görüş "Tobol"un 1:2 hesablı məğlubiyyəti ilə yekunlaşıb.

Qeyd edək ki, "Səbail"dən ayrılan Emil Balayev "Tobol" klubu ilə yanvarın 30-da 2 illik müqavilə bağlayıb.